නිර්මාතෘවරු

            එවකට අධ්‍යාපන ඇමතිව සිටි "නිදහස් අධ්‍යාපනයේ පියා" යන විරුදාවලිය ලැබූ ආචාර්ය සී.ඩබ්ලිව්. ඩබ්ලිව්. කන්නන්ගර මැතිතුමාගේ අදහසක් වූයේ ඉහළ පාසල්වල සිටින පමණක් නොව රටපුරා ඡන්ද කොට්ඨාශවල සිටින ඉහළ අධ්‍යාපනයක් ලැබීමට අවශ්‍යතාව හා දක්ෂතාව ඇති සියගණන් ළමයින් සඳහා මධ්‍ය මහා විද්‍යාල පිහිටු වීමයි. මධ්‍ය විද්‍යාල සංස්තියට මූලිකත්වය දරන ලද නිසාවෙන් "මධ්‍ය විද්‍යාල සංකල්පයේ නිර්මාතෘ" වශයෙන්ද මෙතුමා හඳුන්වයි.

           වැලිගම ආසනයට අයත් වූ තෙලිජ්ජවිල ප්‍රදේශයට මෙකී  යෝජිත මධ්‍ය මහා විද්‍යාලය ලබා ගැනීමට ඒවකට රාජ්‍ය සභා මන්ත්‍රීව සිටි ඩේවිඩ් වනිගසේකර මහතාගේ ඉහමහත් උත්සාහය හා ඒකල තෙලිජ්ජවිල සමරසිංහාරාමයේ වැඩ විසූ වජිරාමාධිපති පූජ්‍ය නාරද මාහිමිපාණන් වහන්සේගේ නොපටුබට උත්සාහය නිසාද තෙලිජ්ජවිල ප්‍රදේශයට මධ්‍ය විද්‍යාලයක් ගැනීමේ යෝජනාව ස්ථිර වීමත් සමග 1946 ජනවාරි 17 වන දින තෙලිජ්ජවිල මංසන්ධියේ "ආණ්ඩුවේ මධ්‍යම විද්‍යාලය" යනුවෙන් මෙම විදුහල ආරම්භ විය.