විදුහල්පති පණිවිඩය

මාර/ තෙලිජ්ජවිල මධ්‍ය විද්‍යාලය

කිසියම් රටක අනාගතය තීරණය කරන්නට, ගමන් මඟ නිශ්චිත කරන්නට බලපාන සාධක අතරින් මූලික වන්නේ අධ්‍යාපනයයි. ඒබැවින් විධිමත් අධ්‍යාපනයක් ලබා දෙන පාසලේ, තම කාර්යය ඵලදායී හා කාර්යක්ෂම  ලෙස ඉටු කිරීම සඳහා සැලසුම් සහගත ක්‍රියාදාමයක් විය යුතුවේ.

දිවයිනේ පාසල් අතර විශිෂ්ඨ කීර්ති නාමයකට උරුමකම් ඇති අප පාසල අධ්‍යාපන ක්‍රියාවලිය සඳහා මැනවින් සැදී පැහැදී සිටි. තම කාර්ය සඵලතාවය සඳහා විදුහල උර දෙන විවිධ පාර්ශව කරුවන් අතර දක්ෂතා සපිරි ආචාර්ය මණ්ඩලය, විදුහලේ දියුණුව නිබඳව ප්‍රාර්ථනා කරන ආදී ශිෂ්‍ය සංගමය, පාසල වෙනුවෙන් නිරන්තර කතා කිරීම් සිදු කිරීමට ඉදිරිපත් වන දෙමාපියන්, රජයේ ආයතන, වෙනත් බාහිර ආයතන මෙන්ම සවිමත් පුද්ගලයින් රැසක් සිටිති. මේ සියලු දේ අභිභවමින් පාසලේ සුවිශේෂිතම සම්පත වන්නේ දක්ෂතා සපිරි දරු පිරිසයි. අතීතයේ මෙන්ම වත්මනෙහිද අප දරුවෝ විෂය සාධනය, විෂය සමගාමී සහ විෂය බාහාර ක්‍රියාකාරකම් තුළින් තම දස්කම් පෙන්වමින් විදුහලේ කීර්ති නාමය බබලවති.

තොරතුරු හා සන්නිවේදන තාක්ෂණය විෂය හරහා අප පාසල විවිධ අවස්ථාවන්හීදී ජාතික තලය වෙත ගෙන යාමට හැකි විය. එමෙන්ම අප දූ දරුවන් විසින් නිර්මාණය කරන ලද මෙම වෙබ් අඩවිය හරහා ජාතික මෙන්ම ජාත්‍යන්තර වශයෙනුත් තොරතුරු සන්න්විවේදනය මෙන්ම ඉහළ කීර්තියක් අත්පත් කරගැනීමට මෙය පිටුවහලක් වනු ඇතැයි සිතමි. මෙම කර්තව්‍ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින වර්ධනය වේවා යි ප්‍රාර්ථනා කරමි.

විදුහල්පති,

මාර/ තෙලිජ්ජවිල මධ්‍ය විද්‍යාලය